بعد مدة حبيت اني البسو لانو بوتي القديم صار سيارة كشف ،اصابع رجلي بتلعب بالهوا لعب وأنا لابسو، فا حكيت يا ولد ليش ما تلبس البوت الجديد ! والله وما كزبت خبر رحت جبت البوت وضليتني المع وانضف فيه لحتى صار يضوي ولبستو وصرت انام فيه وأدخل الحمام وانا لابسو (شو كان عمري 10 سنين) .
المهم بعد فترة كانت ليلة القدر،فا رحت مع أبوي وأخوي مشان نقيم ليلة القدر بالمسجد وطبعا أكيد حزرتو مين كان معاي صح؟؟ بوتي حبيبي بعد ما كنت ملمعو ومنضفو متل عوايدي ، فا حطيتو محل ما بنحط الكنادر ودخلت عالجامع المهم بعد ما خلصت الصلاة طلعت مشان البس بوتي ونروح عالبيت بس دور لطش عالبوت ما في بوت، ايه اييييييييه !!! قعدت افرك عيوني وقمت بالمحاولة كمان مرة دور على البوت فش بوت :(
قلبي صار يدق بسرعة،عيوني بوزوا لقدام حاولت ادور عليه كمان مرة بس عالفاضي ، عندها عرفت انو بوتي انسرق، عيوني بلشت تدمع متلي متل أي طفل بيفقد اشي غالي على قلبو ، قعدت بالزاوية حزين بستنى أبوي ليطلع المهم طلع أبوي وحللي هاي المشكلة.
طلعت من الجامع واخوي والأولاد اللي بالشارع بيضحكو علي ، كنت لابس شحاطة بلاستيك تبعت الحمامات نمرة 45 يمكن ورجلي الصغيرة عم بتروح يمين شمال بالشحاطة , بهديك اللحظة كنت بتمنى اني اموت وما يصير اللي صار.
بس نصيحة من مجرب لا تلبس بوتك الجديد بالمرة مشان ما تتحسر عليه
