طبعا هيي بتفكر حالها خفيفة ظل مع انو اثقل من دمها ما رح تلاقي , رحت ادورلها على الطنجرة وقعدت ساعتين بدور عليها مش ملاقيها فا اتصلت مع امي : حجة بالله وين طنجرة الضغط لجارتنا , واللا الحجة بتقولي عند ام انس (جارتنا الثانية ) احااااااااااااااا , المهم قلتلها خلص ماشي وسكرت التلفون ورجعت عالفيلم واللا كانت حبيبة البطل ميته وانا ما عرفت كيف ماتت , المهم رجعت احاول افهم شو صار بالفيلم واللا هالباب بدق قمت فتحت الباب واللا ابن جارتنا اللزقة ما غيرها ( اسمو تميم ) بيحكيلي : أ أ أ أ (طبعا بيقعد سنتين وهو بيحكي وبتأتئ ) وين ال ال ال ال ال ال ال ال الطن الطنجرة, فا قلتللو حبيبي الطنجرة عند ام انس روح جيبها من عندها فا حكالي ماشي وسكرت الباب , ورجعت عالفيلم وبعد 3 دقايق بالزبط واللا الباب بدق , افففففففففففففففففففففففففففففففف , انا صرت مش طايق حالي , نعم مين عالباب ؟ انا ام تميم , اه اهلين خالتو , واللا بتحكيلي : اغلبك تروح تجيبلنا الطنجرة من عند ام انس لانو انا واياها ما بنحكي مع بعض ,حاضر يا خالتو بتأمري , ورحت اجيبلها الطنجرة من عند ام انس ورجعت عالبيت لقيت زياد مخلص من الحمام اخيرا ( كان مسهول ) حكيتلو روح اعطي هاي الطنجرة لإم تميم , وانا رجعت عالفيلم واللا هالباب بدق , ***************** , بعد ما خلصت مسبات قمت اشوف مين واللا تميم عالباب وبيحكيلي : ماما بتحكيلك مع في عندكم طنجرة اكبر , حكيتلو حبيبي فوت انت دور عليها خليني اتفرج عالفيلم , ودخل يدور على طنجرة اكبر واللا صوت اشي انكسر فا رحت ركاض اشوف شو اللي صار , طلعت كاسة مي وقعت منو لما كان بدو يشرب , معاه حق لانو انا نشفتلو ريقو , المهم حكيتلو حبيبي خلص معلش ما صار اشي , واللا هالولد بيعيط , تميم حبيبي ما صار اشي , واللا هو بيركض وبصيح على الدرج ضربني ضربني , واللا امو طلعت بتصيح فا انا سكرت الباب شوي شوي وصرت اضحك مع حالي مع انغام موسيقى انتهاء الفيلم .
