أنا بس بدي حدا يفهمني هالشغلة , مش البنات بطالبو بالمساواة بينهم وبين الشباب , طب ليش ما تكون المساواة بكل اشي , يعني مثلا : لما اركب بالباص , واحنا بالطريق تطلع بنت بالباص , بتصير تتفرج علي انو شوي وبدها تخلع رقبتي انو يا جحش انت اه انت قوم استحي على دمك الثقيل وقعدني محلك , بس انا بعمل حالي بحكي تلفون أو سرحان بالشباك _بتفرج على المناظر الخلابة ,ممكن تشوف واحد مقطوعة رجلو وقاعد ببيع عالاشارة _ ما علينا بس المصيبة انو الكنترول بيقعد بنادي عليك يا شب , فا بعمل حالي مش سامعو واللا ما بلاقيه اللا بدق على كتفي وبيحكيلي معلش اتحملنا ابو الشباب قعدلنا هالصبية , فا انا زي الأسد بقوم وبقعد البنت , وانا زي الشمعة في الباص بكون واقف .
في موقف ثاني اجى على بالي , لما اكون واقف بدي تاكسي وبكون الي نص ساعة واقف وبتيجي بنت بتوقف بعدي , فا لما بأشر لتاكسي فاضي طبعا , والله بكون مأشرلو عن حسن نية ((نية صافية)) , وبكون بريء بهاد التصرف , فا ما بلاقي اللا شفير التاكسي (أبو كشرة) جحرني جحرة ( جحرني معناها زورني )انو انت يا حمار بدك اياني أوقفلك وانت جنبك هالمزة !!!!!
وطبعا بوقفلها التاكسي حتى من غير ما تأشرلو !!!
طبعا هاد غير الوظائف اللي بفوزو فيها البنات بأغلبية ساحقة , ولما بدك تروح مقابلة مشان بدك تشتغل , وبكون سائلك مليون سؤال , بيحكيلك : لا والله احنا ما بنشغل اللا بنات , طب تلحس , ليش من اول ما حكيتلي انو ما بتشغلو اللا بنات !!!!
هلأ كل المشاكل اللي حكيتها عادي , بس اللي بيقهرني انهم بيحكولك انو حقوقهم مهضومة وبدهم مساواة , طب مساواة بشو !!!!
يعني يا عزيزتي البنت شو رأيك تصيري انت تدفعي المهر للشب مشان تصيري شب مثلا !!
